The Best Fluffy Pancakes recipe you will fall in love with. Full of tips and tricks to help you make the best pancakes.
АНАДОЛСКИ ЛЕОПАРД (Anadolu leopari/Anatolian leopard)
Турција/2021/113’
Сценарио и режија: Емре Кајиш (Emre Kayiş)
Улоги: Тансу Бичер (Tansu Biçer), Атиџе Аслан (Hatice Aslan), Сејтан Оздемир (Seyithan Özdemir)
Во најстарата зоолошка градина во Турција, осамениот управител и повлечената офицерка влегуваат во неверојатна врска: додека ја кријат смртта на најстариот жител на зоолошката градина, анадолскиот леопард, со цел да го запрат процесот на приватизација и да го лажираат неговото бегство, тие активираат апсурдна шарада која излегува надвор од контролата. Во сивиот и тивок главен град на Турција, духот на леопардот, сепак, успева да опстои.
Фестивали и награди/Festivals and awards
– Ankara International Film Festival 2021 – Best Actor, Actress, Cinematography, Film
– Toronto International Film Festival 2021 – FIPRESCI prize
– Ischia Film Festival 2022 – Feature Film Competition Winner
Роден во 1984 година, Емре Кајиш студирал право на Универзитетот во Анкара и филм на Лондонската филмска школа. Неговите кратки филмови беа прикажани на различни меѓународни филмски фестивали и освоија многу награди. Неговиот деби игран „Анадолски леопард“ беше премиерно прикажан на Меѓународниот филмски фестивал во Торонто во 2021 година, каде што ја доби престижната награда ФИПРЕСЦИ. Тој е член на ЕФА и на секторот „Берлинале таленти“.