ЈОН ВАРДАР ПРОТИВ ГАЛАКСИЈАТА

СЕВЕРНА МАКЕДОНИЈА, УНГАРИЈА, БУГАРИЈА, ХРВАТСКА / 2024 / 85мин.

ЈОН ВАРДАР ПРОТИВ ГАЛАКСИЈАТА на Гоце Цветановски

Улоги: Жарко Димоски, Дамјан Цветановски, Емилија Мицевска

НАГРАДИ И НОМИНАЦИИ: Ситџес Меѓународен филмски фестивал на фантастичен фестивал Каталонија (Светска премиера – 5 октомври 2024); КинеНова 2024, македонска премиера на отворањето на фестивалот.

Краток синопсис:

Јон е потпросечно интелигентен човек од Земјата. Зарк е нарцисоиден мегаломан – робот кој патува низ вселената и собира примероци за својата интергалактичка Зоолошка градина. Кога двајцата ќе се спојат, нормално е да настане хаос. Двајцата ќе мора да здружат сили за да го заштитат најопасното оружје во Галаксијата да не падне во погрешни раце. Необичното дуо ќе тргне на вселенско патување исполнето со вонземјани, чудовишта, црни дупки, и можен крај на севкупната егзистенција. Научнофантастична пародија со балкански шмек со супер-јунакот Јон Вардар е интергалактичка комедија за целото семејство.

Режисер: Гоце Цветановски

Гоце Цветановски е повеќегратно наградуван режисер и продуцент. Студирал на филмски студии во Париз, Франција, каде што живеел 17 години. Покрај неговите филмски активности, тој има работено и на различни комерцијални проекти за клиенти како што се Faith No More, Ed Sheeran, Samsung и Alcatel. Тој е ко-основач на компанијата за издавање стрипови „Komic Brew“ со седиште во Шкотска, Велика Британија. Во 2015 година се враќа да живее и работи во Северна Македонија како креативен директор на Lynx Animation Studios. Гоце стана првиот македонски автор кој се споменува во магазинот „Ролинг Стоун“ како режисер на спотот на Faith No More „Cone of Shame“. Работел на проекти за различни музички ѕвезди, вклучувајќи ја и анимираната верзија на хитот на Ед Ширан „Лоши навики“. „Јон Вардар против Галаксијата“, неговиот втор филм, е првиот долгометражен анимиран филм во Северна Македонија и најголемиот копродукциски проект за анимација на Балканот.