ХОТЕЛ ПУЛА

ХРВАТСКА, 2023 / 95мин.

ХОТЕЛ ПУЛА на Андреј Коровљев

Улоги: Ермин Браво, Ника Грбеља и др.

Награди и нoминации: Филмски фестивал во Пула; Филмски фестивал во Трст.

Краток синопсис: Познатиот босански актер Ермин Браво и извонредната млада хрватска актерка-дебитант Ника Грбеља многу убедливо отелотворуваат лежерна залутана љубов, осудена неизбежно да заврши со срцепарателна разделба. Малолетната средношколка Уна волшебно ја прекинува тажната и болна рутина на Босанецот Махир, 22 години постар од неа. Како што флертувачката девојка постепено прераснува во млада жена, тешко повредениот гостин ја открива неможноста да залечи од раните на вина, омраза и срам.

Режисер: Андреј Коровљев

Андреј Коровљев е роден во Пула во 1970 година. По завршувањето на средното образование студирал машинство во Загреб. Во 1995 година заминува во Лондон, каде студира филмска режија на Универзитетот Вестминстер. По завршувањето на студиите се враќа во Хрватска и ја започнува својата професионална кариера. Режирал неколку кратки филмови, документарни филмови, ТВ емисии и музички спотови. Во 1999 година го режираше документарниот филм „Una Storia Polesana“ за маргиналците на Пула. Следната година го завршува документарниот филм „Години на ‘рѓа“ кој ја доби наградата за најдобар документарен филм, наградата „Јелена Рајковиќ“ за најдобар млад режисер и наградата за најдобра монтажа на „Деновите на хрватскиот филм“ во 2000-та година. Што се однесува до комерцијалната работа, тој најмногу снима ТВ реклами. Режирал неколку стотици реклами за големите хрватски корпорации, како и за странски клиенти. За неговите реклами, документарци и музички спотови Андреј има добиено бројни хрватски и меѓународни награди. Андреј е член на Друштвото на хрватските филмски режисери. „ХОТЕЛ ПУЛА“ е негов прв филм.