РАЈ: ЉУБОВ

Австрија, Германија, Франција / 2012 / 120мин.

РАЈ: ЉУБОВ на Улрих Зајдл

Улоги: Маргарет Тизел, Петер Казунгу, Инге Мо

Номинации и награди: Кански филмски фестивал – официјална селекција, Најдобар филм, режисер и актерка на Австриските филмски награди 2013

Краток синпосис:

РАЈ: ЉУБОВ, првиот филм од „рајската трилогија“ се одвива на плажите во Кенија. Таму познати како „шеќерни мами“, Европејките бараат африкански момчиња кои продаваат љубов за да заработат за живот. Тереза, 50-годишна Австријка, патува во овој рај за одмор. РАЈ: ЉУБОВ раскажува за постарите жени и младите мажи, за Европа и Африка, и за експлоатираните, кои на крајот ги искористуваат другите.

Режисер: Улрих Зајдл

Улрих Зајдл е роден во Виена, Австрија во 1952 година. Студирал филм на Филмската академија во Виена. Неговиот краток документарен филм ТОПКАТА (1982) за малку ќе довел до негово исфрлање од филмското училиште, како поради „морално и етички сомнителната“ содржина на филмот (се сметало дека во него ги исмева темите за кои учел по факултетските предмети) така и поради неговата форма: Зајдл бил обвинет за прикажување на сиров, неизмониран филм. Пред да режира наративни играни филмови, Зајдл ги режираше наградуваните документарни филмови: ДОБРА ВЕСТ (1990), ЉУБОВТА НА ЖИВОТНИТЕ (1995) и МОДЕЛИ (1998). ИСУС, ЗНАЕШ (2003) беше премиерно прикажан во официјалната конкуренција во Карлови Вари, каде ја освои наградата за најдобар документарен филм, додека ВО ПОДРУМ (2014) и САФАРИ (2016) беа прикажани вон конкуренција во Венеција. Неговото долгометражно деби КУЧЕШКИ ДЕНОВИ (2001) ја освои Големата специјална награда на жирито на Венецискиот филмски фестивал. УВОЗ, ИЗВОЗ (2007) беше премиерно прикажан во официјалната конкуренција во Кан. Следеше неговата меѓународно признаена, наградувана трилогија РАЈ, со РАЈ: ЉУБОВ (2012), РАЈ: ВЕРА (2012) и РАЈ: НАДЕЖ (2013) премиерно соодветно прикажани во конкуренција во Кан, Венеција и Берлин. Неговото најново остварување ДИВИ ИГРИ (2023) е комбинирана и проширена верзија на неговиот диптих составен од филмовите РИМИНИ (во конкуренција на Берлинале 2022) и СПАРТА.