РАЈ: НАДЕЖ

Австрија, Германија, Франција / 2012 / 91мин.

РАЈ: НАДЕЖ на Улрих Зајдл

Улоги: Мелани Ленц, Јозеф Лоренц, Мајкл Томас

Номинации и награди: Беринале 2013 – официјална селекција

Краток синопсис:

Третиот филм од трилогијата на Зајдл ја раскажува приказната за Мелани, 13-годишна девојка со прекумерна тежина, и нејзината прва љубов. Додека мајка и’ Тереза патува во Кенија (РАЈ: ЉУБОВ), а нејзината тетка (РАЈ: ВЕРА) работи мисионерска работа за Исус Христос, тинејџерката го поминува својот летен одмор со други адолесценти во строго управуван диететски камп во австриските села. Помеѓу спортските активности и советувањето за исхрана, борбите со перници и првите цигари, таа се вљубува во директорот на кампот, доктор постар од неа 40 години. Таа го сака со безусловноста на првата љубов и се обидува со целата своја невиност да го заведе. Докторот се бори против вината на оваа љубов, свесен за нејзината невозможност. Мелани го замислува поинаку својот рај.

Режисер: Улрих Зајдл

Улрих Зајдл е роден во Виена, Австрија во 1952 година. Студирал филм на Филмската академија во Виена. Неговиот краток документарен филм ТОПКАТА (1982) за малку ќе довел до негово исфрлање од филмското училиште, како поради „морално и етички сомнителната“ содржина на филмот (се сметало дека во него ги исмева темите за кои учел по факултетските предмети) така и поради неговата форма: Зајдл бил обвинет за прикажување на сиров, неизмониран филм. Пред да режира наративни играни филмови, Зајдл ги режираше наградуваните документарни филмови: ДОБРА ВЕСТ (1990), ЉУБОВТА НА ЖИВОТНИТЕ (1995) и МОДЕЛИ (1998). ИСУС, ЗНАЕШ (2003) беше премиерно прикажан во официјалната конкуренција во Карлови Вари, каде ја освои наградата за најдобар документарен филм, додека ВО ПОДРУМ (2014) и САФАРИ (2016) беа прикажани вон конкуренција во Венеција. Неговото долгометражно деби КУЧЕШКИ ДЕНОВИ (2001) ја освои Големата специјална награда на жирито на Венецискиот филмски фестивал. УВОЗ, ИЗВОЗ (2007) беше премиерно прикажан во официјалната конкуренција во Кан. Следеше неговата меѓународно признаена, наградувана трилогија РАЈ, со РАЈ: ЉУБОВ (2012), РАЈ: ВЕРА (2012) и РАЈ: НАДЕЖ (2013) премиерно соодветно прикажани во конкуренција во Кан, Венеција и Берлин. Неговото најново остварување ДИВИ ИГРИ (2023) е комбинирана и проширена верзија на неговиот диптих составен од филмовите РИМИНИ (во конкуренција на Берлинале 2022) и СПАРТА.