ПЛАНЕТА 7693

ЦРНА ГОРА, СЕВЕРНА МАКЕДОНИЈА, СРБИЈА / 2024 / 110мин.

ПЛАНЕТА 7693 на Гојко Беркуљан

Улоги: Илија Пејаковиќ, Андрија Кузмановиќ, Кристина Стевовиќ

Краток синопсис:
Лука (9) живее со родителите и поголемата сестра во живописно соседство во предградието. По еден настан во неговото навидум хармонично семејство, недоразбирањата насобрани низ годините излегуваат на површина и предизвикуваат низа конфликти. Ткивото на семејството се кине. Лука бара начин како да ги поправи нарушените односи, повлекувајќи се во светот на „супер моќите“ и фантазијата, каде го запознава мистериозното девојче по име „7693“.

Режисер: Гојко Беркуљан

ГОЈКО БЕРКУЉАН е роден во Цетиње 1990 година. Дипломира во 2014 година на Факултетот за драмски уметности во Цетиње, на отсекот за ТВ и филмска режија. Како режисер потпишува неколку кратки и документарни филмови, како и голем број рекламни кампањи. Неговиот дебитантски игран филм ИСКРА (2017), независна продукција на „Траст Ејџенси“ од Подгорица и „Синамон филмс“ од Белград, беше претставен на повеќе регионални и меѓународни фестивали и беше избран за црногорски кандидат за наградата „Оскар“ за „Најдобар странски филм“ во 2018 година. Во декември 2023 година, го режира ТВ филмот ЗА НАШИТЕ ДЕЦА, продукција на Радиотелевизија Црна Гора (РТЦГ). ПЛАНЕТА 7693 (2024) е неговото најново долгометражно остварување.