Хрватска, Србија, Словенија, Италија / 2025 / 85мин.
Синопсис
Приказна за југословенската кошаркарска репрезентација која го освои златниот медал на Европското првенство во 1991 година. Легендарните кошаркари стоеја на подиумот и гледаа како се крева знамето на нивната тогашна земја Југославија – направија сè за слава на земјата која вушност престана да постои три дена претходно.
Играат: Владе Дивац, Јуре Здовц, Жарко Паспаљ, Дино Раџа, Зоран Јовановиќ, Тони Кукоч и други
(Сплит, 1985) дипломирал филмска и телевизиска режија на Академијата за драмски уметности во Загреб. Учествувал на бројни меѓународни филмски работилници, вклучувајќи ги „Таленти на Берлинале“, „Кампус на таленти во Сараево“, „Соурс 2“ и „Работилници на MAIA“. Неговите кратки филмови се прикажани на над 250 фестивали, вклучувајќи ги и големите како Берлинале и Клермон-Феран, и освоија бројни награди - меѓу нив, Големата награда на Филмскиот фестивал во Род Ајленд (фестивал кој се квалификува за Оскар), Гран при на Хрватските филмски денови и Филмскиот фестивал во Љубљана, како и награди во Вилнус, Чикаго, Тангер, Драма и други. Неговиот краток филм „Пикник“, за кој тој го напиша сценариото, режираше и продуцираше, ја освои престижната награда на Европската филмска академија за најдобар европски краток филм во 2015 година. Неговиот дебитантски игран филм премиерно беше прикажан на фестивалот „Црни ноќи“ во Талин, по што се прикажа на бројни фестивали и освои повеќе награди: најдобар регионален филм на ФЕСТ во Белград, четири награди на Филмскиот фестивал во Пула (најдобар дебитант, најдобра актерка, најдобра кинематографија, најдобар дизајн на звук), наградата на хрватските филмски критичари „Октавијајан“ за најдобар хрватски филм за 2020 година и награди на фестивали во Таормина, Скопје, Сен Жан де Луз и други.
