ИЗРАЕЛ, 2023 / 97мин.
БУНТОТ НА СИЛВЕР на Дан Шадур
Награди и номинации: Филмски фестивал во Варшава; „Црни ноќи“ – Mеѓународен филмски фестивал во Талин.
Краток синопсис:
Шеф на криминал или бестрашен дисидент? Најголемото сајбер судење во историјата на Израел ќе ја одреди судбината на едно поранешно ултраортодоксно дете кое го трансформираше бизнисот со трговија со дрога. Ова е еден од најконтроверзните документарци во историјата на израелската, но и воопшто, на современата светска кинематографија.
Дан Шадур е режисер и продуцент со седиште во Тел Авив. Неговиот деби документарен филм „ПРЕД РЕВОЛУЦИЈАТА“ беше финансиран од „Yes Docu“ и „ITVS“ и беше премиерно прикажан на фестивалот „Hotdocs“ во 2013-та година и на уште десетици други меѓународни фестивали, вклучувајќи ги и еврејските филмски фестивали во Њујорк. Неговиот филм „Кралот Биби - Животот и изведбите на Бенјамин Нетанјаху“ кој е финалист за наградите на израелската филмска академија за 2019та година - е еден од најгледаните израелски документарни филмови во последниве години, најавен од „Вашингтон пост“ како еден од најдобрите странски документарни филмови за 2019-та година. „БУНТОТ НА СИЛВЕР“ (2023) беше прикажан на „Canal+.doc“ и беше номиниран за три награди на годишниот израелски документарен форум. Филмските дела на Шадур се емитувале на PBS, Arte, ZDF, Canal + и други канали. Како писател, Шадур пишувал за водечките израелски весници и списанија. Од 22 јули оваа година, тој е и домаќин на првиот документарен подкаст во Израел, „The Echo Chamber“.