Жири

Јани Бојаџи e режисер, сценарист и продуцент, роден во 1970 година во Струмица каде што завршува средно образование, дипломира и магистрира режија за филм и телевизија на Националната академија за театарска и филмска уметност во Софија, докторира на режија за филм и телевизија на Универзитетот „Неофит Рилски“ во Бугарија. Вонреден професор е по режија за филм и телевизија на Универзитетот „Еуропа Прима“ во Скопје.

Јани Бојаџи е режисер на повеќе успешни кратки играни филмови. Toj има продуцирано и режирано бројни телевизиски серии кои привлекоа силно внимание во македонската телевизиска јавност, а неговиот прв долгометражен игран филм РУГАЊЕ СО ХРИСТОС постигна светски успех, добивајќи ја наградата за особен уметнички израз на познатиот филмски фестивал во Монтреал.

Тој e и голем поддржувач на независната филмска сцена во Северна Македонија поддржувајќи многу млади автори во нивните филмски кариери. Неговиот последен долгометражен игран филм КИНО ЉУБОВ е дел од таа македонска независна филмска сцена. Моментално работи на неговиот најнов игран филмски проект.

Дорина Оарга работи во филмската индустрија повеќе од 15 години, со долгогодишно искуство во раководење со проекти, како во Романија, така и на меѓународно ниво. Таа е со седиште во Букурешт, но во душата е авантурист; Дорина е долгогодишен соработник на Меѓународниот филмски фестивал во Трансилванија (Клуж-Напока, Романија / од 2008 година до денес), каде што неколку години раководеше со идустри секцијата. Во 2019 година, заедно со фестивалот, тие започнаа реализација на TIFF Unlimited, платформа за VoD преку целата година, посветена на доближување на уметничките филмови до локалната публика.

Привлечена од индустријата за стриминг, Дорина беше одговорна и за создавањето на CINEPUB (во 2015 година), услуга за онлајн видео стриминг започната во партнерство со Google, прикажувана и на YouTube, а посветена на романските филмови. За неа беше сосема природно да се приклучи на тимот на Европскиот филмски клуб, дел од Европската филмска академија во 2022 година.

Нејзината љубов кон патувањето и желбата секогаш да се усовршува како професионалец, ја донесоа до неколку големи проекти, кои и донесоа нови предизвици и награди: Европски филмски награди и SOFA – School of Film Advancement (и двете лоцирани во Берлин, Германија), Eventival (Чешка ), Работилница Аристотел (Романија), Филмски фестивал во Доха Трибека (Катар), МФВ во Вилнус „Кино Павасарис“ (Литванија) и Филмски фестивал Аррас (Франција), меѓу останатите.

Асимина Проедру е сценарист-режисер која живее и работи во Хеленската република. Нејзиниот краток филм, RED HULK (2013), беше прикажан во официјалната програма на МФФ Клермон-Феран и освои седум меѓународни награди. Нејзиниот деби филм, BEHIND THE HAYSTACKS / ЗАД СТОГОВИТЕ СЕНО(2022) беше грчки КАНДИДАТ ЗА НАГРАДИТЕ ОСКАР на 96-тото издание. Овој нејзин филм е одрбан помеѓу 40-те најдобри филмови на Европските филмски награди и освои 10 награди на Грчката Филмска Академија (вклучувајќи ја и наградата за најдобар филм). Филмот, меѓу другото, освои шест награди на Меѓународниот Филмски Фестивал во Солун и наградата за најдобар дебитантски филм на МФФ Гоа во Индија, а беше дел и од  повеќе други светски филмски фестивали, вклучувајќи го и Палм Спрингс. Нејзиниот втор долгометражен проект HYSTÉRA ја освои наградата за развој на Црна Гора на CineLink Сараево и беше избран за наградата COPROCITY која ќе биде доделена во рамките на Les Arc IFF.