Бардо

За филмот

Тибетанскиот збор Бардо се преведува како „состојба помеѓу” или исто така како преодна или средна состојба. Се однесува на состојба која што се наоѓа помеѓу други две состојби, помеѓу живот и смрт, тага и радост, детство и одраснување. Бардо е приказна за двајца пријатели, малечко девојче и балон кој што ја потсеќа на нејзиниот татко. Приказна за мало девојче кое е соочено со светот на возрасните додека присуствува на погребот на татко и.

Екипа и улоги

Режија: Марија Апчевска
Сценарио: Марија Апчевска во соработка со Катерина Момева
Кинематографија: Владимир Самоиловски
Музика: Александар Пејовски
Монтажа: Горан Вукиќ
Улоги: Марија Благоевска, Данчо Чевревски, Љупка Џундева, Маја Вељковиќ
Продукција: AVEA Film
Продуценти: Един Јакубовиќ, Петар Шимлеша
Кастинг: Билјана Драгичевиќ-Пројковска
Шминка: Горан Игњатовски

Награди и признанија

2012, Најдобар краткометражен филм, International Film Festival “Dream Fest Cinema”, Слатина, Романија
2012, Најдобар краткометражен филм во програма Глобална фикција; „Ацо Алексов“ награда за најдобар млад автор, Asterfest International Short Film Festival, Струмица
2012, Најдобар краткометражен филм, Tuzla Film Festival, Босна и Херцеговина
2012, Мала Златна Камера 300 – специјална награда за кинематографер, International Cinematographers’ Film Festival “Manaki Brothers”, Битола
2012, Награда ‘Cinecourts’ Cinemed, Montpellier Mediterranean Film Festival, Франција,

За режисерот

Марија Апчевска е македонска филмска и телевизиска режисерка и сценаристка, родена во 1987 година во Битола. Таа има дипломирано режија на Факултетот за драмски уметности во Скопје, а магистрирала филмска и медиумска продукција на New York Film Academy во Лос Анџелес.

Апчевска ги режирала краткометражните филмови „Бардо“ (2012), „Амби“ (2017) и „Северен Пол“ (2021), кои се прикажувани на фестивали ширум светот и освоиле повеќе награди. „Бардо“ имаше премиера на Берлинскиот филмски фестивал во програмата Generation, додека „Северен Пол“ беше избран во официјалната краткометражна селекција на Канскиот филмски фестивал. За „Северен Пол“, Апчевска ја доби наградата за најдобра режија на Мартовскиот фестивал во Белград во 2022 година.

Покрај филмската работа, таа е авторка на детската телевизиска серија „Зоки Поки“, која е првата телевизиска серија од Северна Македонија емитувана во Скандинавија. Како режисерка работела и на телевизиските серии „Инсајдер“ и „Куќен притвор“.

Нејзиниот проект за првиот долгометражен филм „Spring Cleaning“ бил избран за развојната програма LIM во 2021 година и претставен на Cannes Focus CoPro во истата година.